tere jalwe tere hijab ko meri hairaton se numu mili

tire jalve tere hijāb ko merī hairatoñ se numū milī

ki thā shab se din kabhī tīra-tar kabhī shab hī ā.ina-rū milī

tirī qurbatoñ se bhī kyā huā tirī dūriyoñ kā to kyā gila

vo maqām maiñ hī na pā sakā mujhe jis maqām pe tū milī

vo havāoñ hī se baras paḌe vo tirī nigah se chhalak uThe

koī be-ḳhudī na hameñ milī ki jo be-niyāz-e-subū milī

vo ho fasl-e-gul ki fazā-e-dil jo milā kahīñ to junūñ milā

magar ik ḳhirad hī na mil sakī jo milī to sarf-e-rafū milī

tere jalwe tere hijab ko meri hairaton se numu mili

ki tha shab se din kabhi tira-tar kabhi shab hi aaina-ru mili

teri qurbaton se bhi kya hua teri duriyon ka to kya gila

wo maqam main hi na pa saka mujhe jis maqam pe tu mili

wo hawaon hi se baras paDe wo teri nigah se chhalak uThe

koi be-KHudi na hamein mili ki jo be-niyaz-e-subu mili

wo ho fasl-e-gul ki faza-e-dil jo mila kahin to junun mila

magar ek KHirad hi na mil saki jo mili to sarf-e-rafu mili