tere kanon mein gunji kya meri aawaz jaan-e-man

tire kānoñ meñ gūñjī kyā mirī āvāz jān-e-man

maiñ rotā huuñ tabī.at hai bahut nā-sāz jān-e-man

balā ke dukh uThāte haiñ tire ik kun ke maare ham

ye kun hai saare dukh kā nuqta-e-āġhāz jān-e-man

tirī zulfoñ kī ḳhushbū se havā bhī raqs kartī hai

tujhī se hai havā ko quvvat-e-parvāz jān-e-man

na mujh ko rone detā hai na mujh ko marne detā hai

mirī murshid to hai kitnā daḳhl-andāz jān-e-man

ḳhudā kā āsmāñ ham ko hamesha taktā rahtā hai

kareñge āsmāñ ko ham nazar-andāz jān-e-man

munāfiq ek saf meñ sab sar-e-mahshar khaḌe hoñge

kiyā hai jin ne duniyā meñ tumheñ nārāz jān-e-man

mirī vahshat katartī hai mire jīvan ke pal har roz

hai vahshat zindagī kī yaar kyoñ miqrāz jān-e-man

tumhīñ bas bāteñ kartī thiiñ añdherī rātoñ meñ mujh se

mirī dīvār kamre kī mirī ham-rāz jān-e-man

tere kanon mein gunji kya meri aawaz jaan-e-man

main rota hun tabiat hai bahut na-saz jaan-e-man

bala ke dukh uThate hain tere ek kun ke mare hum

ye kun hai sare dukh ka nuqta-e-aghaz jaan-e-man

teri zulfon ki KHushbu se hawa bhi raqs karti hai

tujhi se hai hawa ko quwwat-e-parwaz jaan-e-man

na mujh ko rone deta hai na mujh ko marne deta hai

meri murshid to hai kitna daKHl-andaz jaan-e-man

KHuda ka aasman hum ko hamesha takta rahta hai

karenge aasman ko hum nazar-andaz jaan-e-man

munafiq ek saf mein sab sar-e-mahshar khaDe honge

kiya hai jin ne duniya mein tumhein naraaz jaan-e-man

meri wahshat katarti hai mere jiwan ke pal har roz

hai wahshat zindagi ki yar kyon miqraaz jaan-e-man

tumhin bas baaten karti thin andheri raaton mein mujh se

meri diwar kamre ki meri ham-raaz jaan-e-man