tere KHayal se baDh kar KHayal kya hoga

tire ḳhayāl se baḌh kar ḳhayāl kyā hogā

tū jis ke dil meñ hai us ko malāl kyā hogā

bhulā diyā thā jahāñ bhar ko terī qurbat meñ

kabhī na sochā ki furqat meñ haal kyā hogā

ḳhudā ke vasl se nāseh nahīñ ġharaz ham ko

visāl-e-yār se baḌh kar visāl kyā hogā

nigāh-e-husn se ahd-e-vafā jo zāhir hai

to kahiye ishq ke lab par savāl kyā hogā

balā kā husn hai hūroñ pe shaiḳh jī lekin

jamāl-e-yār se baḌh kar jamāl kyā hogā

chhalak paḌe haiñ ka.ī jaam tere aane par

tū be-naqāb ho saaqī to haal kyā hogā

tasavvurāt-e-iram ḳhuub haiñ magar 'nirdosh'

dayār-e-yār se baḌh kar kamāl kyā hogā

tere KHayal se baDh kar KHayal kya hoga

tu jis ke dil mein hai us ko malal kya hoga

bhula diya tha jahan bhar ko teri qurbat mein

kabhi na socha ki furqat mein haal kya hoga

KHuda ke wasl se naseh nahin gharaz hum ko

visal-e-yar se baDh kar visal kya hoga

nigah-e-husn se ahd-e-wafa jo zahir hai

to kahiye ishq ke lab par sawal kya hoga

bala ka husn hai huron pe shaiKH ji lekin

jamal-e-yar se baDh kar jamal kya hoga

chhalak paDe hain kai jam tere aane par

tu be-naqab ho saqi to haal kya hoga

tasawwuraat-e-iram KHub hain magar 'nirdosh'

dayar-e-yar se baDh kar kamal kya hoga