tere KHayal se fursat jo umr bhar na hui

tire ḳhayāl se fursat jo umr bhar na huī

kab apne aap se guzre hameñ ḳhabar na huī

nahīñ ki terī tavajjoh kabhī idhar na huī

mujhe savāl kī jur.at hī umr bhar na huī

ba-qaid-e-hosh mohabbat azaab dīda-o-dil

jigar kā ḳhuun to kyā jur.at-e-nazar na huī

sahar ke naam pe bazm-e-nashāt kī barham

charāġh ham ne bujhā.e magar sahar na huī

tajalliyoñ ne diye saiñkaḌoñ fareb magar

asīr-e-dām mirī shoḳhī-e-nazar na huī

ufuq ke paar ujāle haiñ sub.h-e-sādiq ke

ham intizār meñ baiThe rahe sahar na huī

vatan kī ḳhaak se aatī hai bū-e-ḳhūñ paiham

ki paak rāhzanoñ se ye rahguzar na huī

tere KHayal se fursat jo umr bhar na hui

kab apne aap se guzre hamein KHabar na hui

nahin ki teri tawajjoh kabhi idhar na hui

mujhe sawal ki jurat hi umr bhar na hui

ba-qaid-e-hosh mohabbat azab dida-o-dil

jigar ka KHun to kya jurat-e-nazar na hui

sahar ke nam pe bazm-e-nashat ki barham

charagh hum ne bujhae magar sahar na hui

tajalliyon ne diye sainkaDon fareb magar

asir-e-dam meri shoKHi-e-nazar na hui

ufuq ke par ujale hain subh-e-sadiq ke

hum intizar mein baiThe rahe sahar na hui

watan ki KHak se aati hai bu-e-KHun paiham

ki pak rahzanon se ye rahguzar na hui