tere KHayal se phir aankh meri pur-nam hai
tire ḳhayāl se phir aañkh merī pur-nam hai
ki ġham ziyāda hai aur hausla mirā kam hai
baqā ke vāste sadiyoñ se jañg jaarī hai
fanā ke shor-sharābe se naak meñ dam hai
nahīñ to kab kā mukammal maiñ ho chukā hotā
jise maiñ apnā samajhtā huuñ us meñ kuchh kam hai
ajiib daur hai ye daur mary mushkil kā
savāl meñ hai na koī javāb meñ dam hai
maiñ jis ko DhūñD rahā huuñ ka.ī zamānoñ se
mujhe ho ilm ki vo merī zaat meñ zam hai
namāz paḌhtā huuñ aur us ko yaad kartā huuñ
mire ḳhayāl meñ ik pāñchvāñ bhī mausam hai
tere KHayal se phir aankh meri pur-nam hai
ki gham ziyaada hai aur hausla mera kam hai
baqa ke waste sadiyon se jang jari hai
fana ke shor-sharabe se nak mein dam hai
nahin to kab ka mukammal main ho chuka hota
jise main apna samajhta hun us mein kuchh kam hai
ajib daur hai ye daur mary mushkil ka
sawal mein hai na koi jawab mein dam hai
main jis ko DhunD raha hun kai zamanon se
mujhe ho ilm ki wo meri zat mein zam hai
namaz paDhta hun aur us ko yaad karta hun
mere KHayal mein ek panchwan bhi mausam hai
- Book : Urdu Gazal ka Magribi Daricha (Pg. 186)
- Author : Dr. Jawaz Jafri
- Publication : Kitab Saray, Lahore (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
