ترے شکوؤں سے جور آسماں تک بات آ پہنچی
ترے شکوؤں سے جور آسماں تک بات آ پہنچی
کہاں سے ابتدا کی تھی کہاں تک بات آ پہنچی
محبت میں ہمارے امتحاں تک بات آ پہنچی
جہاں رکنے لگے دم بھی وہاں تک بات آ پہنچی
چمن میں آگ لگنے کا بھی صدمہ کم نہ تھا مجھ کو
تڑپ اے دل کہ اب تو آشیاں تک بات آ پہنچی
ہوا آغاز قطرے سے مگر یہ بحث بالآخر
بڑھی اتنی کہ بحر بیکراں تک بات آ پہنچی
خدا جانے مری توبہ کا اب انجام کیا ہوگا
جناب شیخ سے پیر مغاں تک بات آ پہنچی
کجا وہ دن کہ گنج بے بہا سمجھا محبت کو
کجا یہ دن کہ جنس رائیگاں تک بات آ پہنچی
یقیں تھا ہم کو راز افشا عدو ہی نے کیا ہوگا
بہت نادم ہوئے جب رازداں تک بات آ پہنچی
نہ میں اب دل کی سنتا ہوں نہ دل اب میری سنتا ہے
تمہاری مہربانی سے یہاں تک بات آ پہنچی
نہیں بھی منہ سے کہنا جن کو ساحرؔ بار ہوتا ہے
غضب ہوگا کبھی جو ان کی ہاں تک بات آ پہنچی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
