tere siwa meri hasti koi jahan mein nahin

tire sivā mirī hastī koī jahāñ meñ nahīñ

ye raaz faash hai haañ se nahīñ maiñ haañ meñ nahīñ

jo lā-makāñ hai muqayyad kisī makāñ meñ nahīñ

ta.ayyunāt nishāñ meñ haiñ be nishāñ meñ nahīñ

sifāt jalva-gah-e-zāt hai tajallī-e-husn

ye jism jalva-gah-e-jāñ hai nūr-e-jāñ meñ nahīñ

zabān-e-hāl se hai kaif-e-be-ḳhudī goyā

ye vo zamīñ hai ki jis kā nishāñ zamāñ meñ nahīñ

faroġh-e-hastī-e-mutlaq hai jalva-e-pindār

hijāb-e-hastī-e-mauhūm darmiyāñ meñ nahīñ

nishāñ yaqīñ kā do-ālam meñ qalb-e-sākin hai

qarār vahm meñ āsūdgī gumāñ meñ nahīñ

mirī fasurda-dilī ne na.e khilā.e haiñ gul

nahīñ ki mausam-e-gul mausam-e-ḳhizāñ meñ nahīñ

maiñ nañg-e-dehlī huuñ nañg-e-suḳhan-varāñ 'sāhir'

asātiza kī zabāñ kyā karūñ dahāñ meñ nahīñ

tere siwa meri hasti koi jahan mein nahin

ye raaz fash hai han se nahin main han mein nahin

jo la-makan hai muqayyad kisi makan mein nahin

tayyunat nishan mein hain be nishan mein nahin

sifat jalwa-gah-e-zat hai tajalli-e-husn

ye jism jalwa-gah-e-jaan hai nur-e-jaan mein nahin

zaban-e-haal se hai kaif-e-be-KHudi goya

ye wo zamin hai ki jis ka nishan zaman mein nahin

farogh-e-hasti-e-mutlaq hai jalwa-e-pindar

hijab-e-hasti-e-mauhum darmiyan mein nahin

nishan yaqin ka do-alam mein qalb-e-sakin hai

qarar wahm mein aasudgi guman mein nahin

meri fasurda-dili ne nae khilae hain gul

nahin ki mausam-e-gul mausam-e-KHizan mein nahin

main nang-e-dehli hun nang-e-suKHan-waran 'sahir'

asatiza ki zaban kya karun dahan mein nahin