teri bazm se jo uTh kar tere jaan-nisar aae

tirī bazm se jo uTh kar tire jāñ-nisār aa.e

dil o jaañ kā sab asāsa tire dar pe vaar aa.e

tirā ishq ban gayā hai mirī ziist kī masāfat

ki maiñ ab jahāñ bhī jā.ūñ tirī rahguzār aa.e

tirī yaad aaj aaise dil-e-mubtalā meñ aa.ī

sar-e-dasht-e-shām jaise shab-e-nau-bahār aa.e

ġham-e-zindagī maiñ tujh par dil o jaañ nisār kar duuñ

ġham-e-ārzū meñ Dhal kar tū jo ek baar aa.e

tire ishq kī badaulat koī rañj ho ki rāhat

sar-e-zindagī jo aa.e sabhī yādgār aa.e

teri bazm se jo uTh kar tere jaan-nisar aae

dil o jaan ka sab asasa tere dar pe war aae

tera ishq ban gaya hai meri zist ki masafat

ki main ab jahan bhi jaun teri rahguzar aae

teri yaad aaj aaise dil-e-mubtala mein aai

sar-e-dasht-e-sham jaise shab-e-nau-bahaar aae

gham-e-zindagi main tujh par dil o jaan nisar kar dun

gham-e-arzu mein Dhal kar tu jo ek bar aae

tere ishq ki badaulat koi ranj ho ki rahat

sar-e-zindagi jo aae sabhi yaadgar aae