teri bhuwan ki tegh jab aai nazar mujhe

tirī bhuvāñ kī teġh jab aa.ī nazar mujhe

karnā huā zarūr miyāñ tark-e-sar mujhe

zīnat hai āshiqoñ ko lab-e-ḳhushk o chashm-e-tar

hāsil huī hai saltanat-e-bahr-o-bar mujhe

bārīk-bīñ huuñ mujh se kaho us miyāñ kī baat

rahtā hai bas-ki dil meñ ḳhayāl-e-kamar mujhe

be-ḳhud huuñ is qadar ki nahīñ dil ko shauq-e-mai

us mast ki nigah kā huā hai asar mujhe

maiñ koh o dasht ek qadam meñ kiyā hai tai

majnūñ o kohkan kī nahīñ kuchh ḳhabar mujhe

jab sīm-bar ke ġham se huā rañg juuñ talā

tab sab ne jā aziiz kiyā misl-e-zar mujhe

'hātim' huā huuñ āl-e-nabī kī panāh meñ

duniyā o diiñ ke ġham se nahīñ kuchh ḳhatar mujhe

teri bhuwan ki tegh jab aai nazar mujhe

karna hua zarur miyan tark-e-sar mujhe

zinat hai aashiqon ko lab-e-KHushk o chashm-e-tar

hasil hui hai saltanat-e-bahr-o-bar mujhe

barik-bin hun mujh se kaho us miyan ki baat

rahta hai bas-ki dil mein KHayal-e-kamar mujhe

be-KHud hun is qadar ki nahin dil ko shauq-e-mai

us mast ki nigah ka hua hai asar mujhe

main koh o dasht ek qadam mein kiya hai tai

majnun o kohkan ki nahin kuchh KHabar mujhe

jab sim-bar ke gham se hua rang jun tala

tab sab ne ja aziz kiya misl-e-zar mujhe

'hatim' hua hun aal-e-nabi ki panah mein

duniya o din ke gham se nahin kuchh KHatar mujhe