teri gali mein jo aae wo ghar nahin jate

tirī galī meñ jo aa.e vo ghar nahīñ jaate

jo tere dar pe haiñ vo dar-ba-dar nahīñ jaate

vo ā.eñge kabhī koThe pe imtihāñ kar lo

falak se bhāge to shams-o-qamar nahīñ jaate

masīh-o-bū-alī-sīnā kī kyā huī tashḳhīs

kisī ilaaj se dāġh-e-jigar nahīñ jaate

gale lagāte haiñ un ko bahāne ruḳhsat ke

chale sharāb ki ab ham-safar nahīñ jaate

vo kaun sub.h nahīñ karte shaam kā va.ada

vo shaam kaun sī hai jo mukar nahīñ jaate

paḌhāyā tote ko ik umr bevafā niklā

azal ke bigḌe kisī se sudhar nahīñ jaate

ye aage aage kañval le ke chal rahe ho kyuuñ

vo manziloñ meñ qamar ke agar nahīñ jaate

tumhārī chashmoñ ne ḳhat par magar na Daalī aañkh

ġhazāl kis liye raihāñ ko char nahīñ jaate

falak se pūchhiye dariyā kā shor kuchh bhī hai

jo nikle dil se ye naale kidhar nahīñ jaate

ġhubār aah kā mere hai jald rail se bhī

kuchh āb-e-barq ravish taar par nahīñ jaate

laḌā ke aañkh tum āñkhoñ se ho ga.e pinhāñ

par aañkh se mirī misl-e-nazar nahīñ jaate

makān aur to laa.eq nazar nahīñ aatā

ġharīb-ḳhāna to hai kyuuñ utar nahīñ jaate

ḳhayāl-e-sabza-e-ḳhat bhī ho ai janāb-e-ḳhizr

piye haiñ āb-e-baqā aap mar nahīñ jaate

dhaḌī jamāv malo mehñdī zulf suljhāo

ġhazab kā naaz hai tum kyuuñ sañvar nahīñ jaate

tumhārī choTī kī nāgin se khelte haiñ mudām

kisī balā se ye ushshāq Dar nahīñ jaate

ḳhafā nasīm se kitne haiñ vo ilāhī ḳhair

havā bhī khāne ko shām-o-sahar nahīñ jaate

teri gali mein jo aae wo ghar nahin jate

jo tere dar pe hain wo dar-ba-dar nahin jate

wo aaenge kabhi koThe pe imtihan kar lo

falak se bhage to shams-o-qamar nahin jate

masih-o-bu-ali-sina ki kya hui tashKHis

kisi ilaj se dagh-e-jigar nahin jate

gale lagate hain un ko bahane ruKHsat ke

chale sharab ki ab ham-safar nahin jate

wo kaun subh nahin karte sham ka wada

wo sham kaun si hai jo mukar nahin jate

paDhaya tote ko ek umr bewafa nikla

azal ke bigDe kisi se sudhar nahin jate

ye aage aage kanwal le ke chal rahe ho kyun

wo manzilon mein qamar ke agar nahin jate

tumhaari chashmon ne KHat par magar na Dali aankh

ghazal kis liye raihan ko char nahin jate

falak se puchhiye dariya ka shor kuchh bhi hai

jo nikle dil se ye nale kidhar nahin jate

ghubar aah ka mere hai jald rail se bhi

kuchh aab-e-barq rawish tar par nahin jate

laDa ke aankh tum aankhon se ho gae pinhan

par aankh se meri misl-e-nazar nahin jate

makan aur to laeq nazar nahin aata

gharib-KHana to hai kyun utar nahin jate

KHayal-e-sabza-e-KHat bhi ho ai janab-e-KHizr

piye hain aab-e-baqa aap mar nahin jate

dhaDi jamaw malo mehndi zulf suljhao

ghazab ka naz hai tum kyun sanwar nahin jate

tumhaari choTi ki nagin se khelte hain mudam

kisi bala se ye ushshaq Dar nahin jate

KHafa nasim se kitne hain wo ilahi KHair

hawa bhi khane ko sham-o-sahar nahin jate