تری انتظاری میں دھندھلی ہوئی ہے

تری انتظاری میں دھندھلی ہوئی ہے

نظر جو دریچے پہ رکھی ہوئی ہے

یہ سوچوں کی کھچڑی بڑی بے سوادی

ذہن کے پتیلے سے کھرچی ہوئی ہے

جہالت کے منہ پر طماچہ پڑا ہے

بڑے آپریشن سے بیٹی ہوئی ہے

مجھے کیوں گلا ہو کسی بے وفا سے

جو کھایا اسی کی تو پلٹی ہوئی ہے

زیادہ ہنر نے بگاڑی ہے صورت

بہت صاف کرنے سے میلی ہوئی ہے

غریبی چھپا لی ہے پتلون میں یوں

پھٹی شرٹ اندر کو گھرسی ہوئی ہے

مری شب اندھیروں میں کٹتی وگرنہ

قمرؔ کے تسلسل سے چمکی ہوئی ہے