تری کامیابی مری کامیابی برابر نہیں

تری کامیابی مری کامیابی برابر نہیں

یہاں تک پہنچنے میں محنت ہے میری مقدر نہیں

خدا نے یہاں کیسے کیسوں کی جھولی میں کیا کیا دیا

ہمیں موت کے وقت بھی تیری باہیں میسر نہیں

اسے اپنی غلطی کا احساس ہوتا رہا عمر بھر

میں رخصت ہوا تھا اسے چوم کر لڑ جھگڑ کر نہیں

اجالا بنانا تو تھا پر اندھیرا مٹانا نہ تھا

نیا عشق کرنا تھا لیکن پرانا بھلا کر نہیں

اسی نام و صورت کا اک شخص اس گھر میں رہتا تو ہے

مگر ڈھونڈھتی ہو جسے تم وہ عرصے سے گھر پر نہیں