teri nafrat ko tera pyar samajhta hun main

tirī nafrat ko tirā pyaar samajhtā huuñ maiñ

dhuup ko sāya-e-dīvār samajhtā huuñ maiñ

sādgī dekh mirī soch-samajh kar zālim

apnī taqdīr ko bedār samajhtā huuñ maiñ

ba.az auqāt to is darja bahak jaatā huuñ

dostoñ ko bhī vafādār samajhtā huuñ maiñ

merī tā.īd ko tā.īd samajhne vaale

tere har lafz ko talvār samajhtā huuñ maiñ

mujh ko ma.alūm hai anjām-e-sadāqat 'ishrat'

ḳhud ko har lamha sar-e-dār samajhtā huuñ maiñ

teri nafrat ko tera pyar samajhta hun main

dhup ko saya-e-diwar samajhta hun main

sadgi dekh meri soch-samajh kar zalim

apni taqdir ko bedar samajhta hun main

baz auqat to is darja bahak jata hun

doston ko bhi wafadar samajhta hun main

meri taid ko taid samajhne wale

tere har lafz ko talwar samajhta hun main

mujh ko malum hai anjam-e-sadaqat 'ishrat'

KHud ko har lamha sar-e-dar samajhta hun main