teri nazar ke fusun ka asar dikhai diya

tirī nazar ke fusūñ kā asar dikhā.ī diyā

jidhar nahīñ thā zamāna udhar dikhā.ī diyā

hamārā ham se ta.āruf karā diyā us ne

kabhī kahīñ jo koī dīda-var dikhā.ī diyā

hameñ kisī ne kaḌī dhuup meñ panāh na dī

koī shajar na sar-e-rahguzar dikhā.ī diyā

jo log baiTh ga.e thak ke raah meñ un ko

qarīb aa ke bahut duur ghar dikhā.ī diyā

bharī uḌaan to mujh ko fazā milī masmūm

zamīñ pe utrā to be-bāl-o-par dikhā.ī diyā

rah-e-hayāt meñ jab tak vo mere saath rahe

ġham-e-hayāt bhī gard-e-safar dikhā.ī diyā

kisī ne ham se bahut din meñ ḳhairiyat pūchhī

bahut dinoñ meñ koī raah par dikhā.ī diyā

vo zad se gardish-e-daurāñ kī bach ga.e 'nazmī'

khulā huā jinheñ saaqī kā dar dikhā.ī diyā

teri nazar ke fusun ka asar dikhai diya

jidhar nahin tha zamana udhar dikhai diya

hamara hum se taaruf kara diya us ne

kabhi kahin jo koi dida-war dikhai diya

hamein kisi ne kaDi dhup mein panah na di

koi shajar na sar-e-rahguzar dikhai diya

jo log baiTh gae thak ke rah mein un ko

qarib aa ke bahut dur ghar dikhai diya

bhari uDan to mujh ko faza mili masmum

zamin pe utra to be-baal-o-par dikhai diya

rah-e-hayat mein jab tak wo mere sath rahe

gham-e-hayat bhi gard-e-safar dikhai diya

kisi ne hum se bahut din mein KHairiyat puchhi

bahut dinon mein koi rah par dikhai diya

wo zad se gardish-e-dauran ki bach gae 'nazmi'

khula hua jinhen saqi ka dar dikhai diya