teri nazar mein tere ma-siwa nahin hoga

tirī nazar meñ tire mā-sivā nahīñ hogā

tire vajūd kā jis din tujhe yaqīñ hogā

jo ghar se niklā to har ik ko muntazir paayā

ḳhayāl thā ki koī jāntā nahīñ hogā

fareb detī haiñ vīrāniyāñ sadā to lagā

makān hai to yaqīnan koī makīñ hogā

ḳhabar na thī ki hazār āñkheñ haiñ añdhere kī

use ḳhayāl thā charchā kahīñ nahīñ hogā

hare daraḳhtoñ ke saa.e se ab laraztā hai

vo ḳhushk pattoñ meñ baiThā huā kahīñ hogā

vo chhup gayā ho kisī ḳhauf se kahīñ varna

abhī dikhā.ī diyā thā yahīñ kahīñ hogā

'vaqār' aur kahīñ to nazar nahīñ aatā

agar vo ghar meñ nahīñ hai to phir vahīñ hogā

teri nazar mein tere ma-siwa nahin hoga

tere wajud ka jis din tujhe yaqin hoga

jo ghar se nikla to har ek ko muntazir paya

KHayal tha ki koi jaanta nahin hoga

fareb deti hain viraniyan sada to laga

makan hai to yaqinan koi makin hoga

KHabar na thi ki hazar aankhen hain andhere ki

use KHayal tha charcha kahin nahin hoga

hare daraKHton ke sae se ab larazta hai

wo KHushk patton mein baiTha hua kahin hoga

wo chhup gaya ho kisi KHauf se kahin warna

abhi dikhai diya tha yahin kahin hoga

'waqar' aur kahin to nazar nahin aata

agar wo ghar mein nahin hai to phir wahin hoga