teri nigah se dil mein utar gaya hun main

tirī nigāh se dil meñ utar gayā huuñ maiñ

baḌe vasūq se ye baat kah rahā huuñ maiñ

tulū'-e-sub.h kā manzar kabhī nahīñ dekhā

tamām raat diye kī tarah jalā huuñ maiñ

mujassamoñ kī shu'ā'eñ bikherne vaale

tire ḳhulūs kā maqsad samajh rahā huuñ maiñ

har ek moḌ pe patthar liye khaḌe haiñ log

tumhāre 'ishq meñ badnām ho gayā huuñ maiñ

tavāf-e-kūcha-e-jānāñ kī aarzū kar ke

nigāh-e-gardish-e-daurāñ meñ aa gayā huuñ maiñ

na mujh se pūchhiye kis dil se aaj majbūran

ik ajnabī kī tarah aap se milā huuñ maiñ

mirī taraf se taġhāful barat ke logoñ ko

kisī ne itnā hañsāyā ki ro paḌā huuñ maiñ

teri nigah se dil mein utar gaya hun main

baDe wasuq se ye baat kah raha hun main

tulu'-e-subh ka manzar kabhi nahin dekha

tamam raat diye ki tarah jala hun main

mujassamon ki shu'a'en bikherne wale

tere KHulus ka maqsad samajh raha hun main

har ek moD pe patthar liye khaDe hain log

tumhaare 'ishq mein badnam ho gaya hun main

tawaf-e-kucha-e-jaanan ki aarzu kar ke

nigah-e-gardish-e-dauran mein aa gaya hun main

na mujh se puchhiye kis dil se aaj majburan

ek ajnabi ki tarah aap se mila hun main

meri taraf se taghaful barat ke logon ko

kisi ne itna hansaya ki ro paDa hun main