teri nigah se jab bhi meri nigah mili
tirī nigāh se jab bhī mirī nigāh milī
mujhe to gardish-e-ayyām se panāh milī
hameñ to tere tabassum pe jaan denī hai
kalī kalī ko jo dekhā terī gavāh milī
rah-e-vafā meñ tire ġham kī baḳhshisheñ kyā ḳhuub
diloñ ko soz milā hai laboñ ko aah milī
mujhe to sirf ye kahnā hai apne dil ke liye
bhaTakne vaalī vafā ko qayām-gāh milī
na jaane jaa.e kahāñ le ke dil kī betābi
qadam qadam pe mujhe yuuñ to jalva-gāh milī
ajiib haal meñ rahte haiñ fan ke maare bhī
zabāñ amiir milī zindagī tabāh milī
teri nigah se jab bhi meri nigah mili
mujhe to gardish-e-ayyam se panah mili
hamein to tere tabassum pe jaan deni hai
kali kali ko jo dekha teri gawah mili
rah-e-wafa mein tere gham ki baKHshishen kya KHub
dilon ko soz mila hai labon ko aah mili
mujhe to sirf ye kahna hai apne dil ke liye
bhaTakne wali wafa ko qayam-gah mili
na jaane jae kahan le ke dil ki betabi
qadam qadam pe mujhe yun to jalwa-gah mili
ajib haal mein rahte hain fan ke mare bhi
zaban amir mili zindagi tabah mili
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
