teri rahmaton ke dayar mein tere baadalon ko pata nahin

tirī rahmatoñ ke dayār meñ tire bādaloñ ko patā nahīñ

abhī aag sard huī nahīñ abhī ik alaav jalā nahīñ

mirī bazm-e-dil to ujaḌ chukī mirā farsh-e-jāñ to simaT chukā

sabhī jā chuke mire ham-nashīñ magar ek shaḳhs gayā nahīñ

dar-o-bām sab ne sajā liye sabhī raushnī meñ nahā liye

mirī uñgliyāñ bhī jhulas ga.iiñ magar ik charāġh jalā nahīñ

ġham-e-zindagī tirī raah meñ shab-e-ārzū tirī chaah meñ

jo ujaḌ gayā vo basā nahīñ jo bichhaḌ gayā vo milā nahīñ

jo dil-o-nazar kā surūr thā mire paas rah ke bhī duur thā

vahī ek gulāb umiid kā mirī shāḳh-e-jāñ pe khilā nahīñ

pas-e-kārvāñ sar-e-rahguzar maiñ shikasta-pā huuñ to is liye

ki qadam to sab se milā liye mirā dil kisī se milā nahīñ

mirā ham-safar jo ajiib hai to ajīb-tar huuñ maiñ aap bhī

mujhe manziloñ kī ḳhabar nahīñ use rāstoñ kā pata nahīñ

teri rahmaton ke dayar mein tere baadalon ko pata nahin

abhi aag sard hui nahin abhi ek alaw jala nahin

meri bazm-e-dil to ujaD chuki mera farsh-e-jaan to simaT chuka

sabhi ja chuke mere ham-nashin magar ek shaKHs gaya nahin

dar-o-baam sab ne saja liye sabhi raushni mein naha liye

meri ungliyan bhi jhulas gain magar ek charagh jala nahin

gham-e-zindagi teri rah mein shab-e-arzu teri chah mein

jo ujaD gaya wo basa nahin jo bichhaD gaya wo mila nahin

jo dil-o-nazar ka surur tha mere pas rah ke bhi dur tha

wahi ek gulab umid ka meri shaKH-e-jaan pe khila nahin

pas-e-karwan sar-e-rahguzar main shikasta-pa hun to is liye

ki qadam to sab se mila liye mera dil kisi se mila nahin

mera ham-safar jo ajib hai to ajib-tar hun main aap bhi

mujhe manzilon ki KHabar nahin use raston ka pata nahin