teri shikast hai zahir tera zawal aTal

tirī shikast hai zāhir tirā zavāl aTal

yahī hai terā muqaddar ki apnī aag meñ jal

ḳhatā ki tū ne kī yāroñ ke qatl kī ḳhvāhish

sazā ki apne janāze ko ḳhud uThā kar chal

kisī tarah se miTā de ye naqsh-hā-e-yaqīñ

kisī tarah se bhī is shahr-e-ārzū se nikal

sitam ki TuuT rahā hai tilism-e-harf-o-navā

fuġhāñ ki bujhne lagī hai ḳhayāl kī mash.al

'elīnāpā' bhī nahīñ aur vo bevafā bhī nahīñ

sunā.eñ shahr meñ 'pāshī' kise ye taaza ġhazal

teri shikast hai zahir tera zawal aTal

yahi hai tera muqaddar ki apni aag mein jal

KHata ki tu ne ki yaron ke qatl ki KHwahish

saza ki apne janaze ko KHud uTha kar chal

kisi tarah se miTa de ye naqsh-ha-e-yaqin

kisi tarah se bhi is shahr-e-arzu se nikal

sitam ki TuT raha hai tilism-e-harf-o-nawa

fughan ki bujhne lagi hai KHayal ki mashal

'elinapa' bhi nahin aur wo bewafa bhi nahin

sunaen shahr mein 'pashi' kise ye taza ghazal