teri talash ki miThi kasak se lutf liya

tirī talāsh kī mīThī kasak se lutf liyā

yaqīn toḌne vaale ne shak se lutf liyā

so maañd paḌte hue husn ko kiyā taslīm

ki āftāb kī dhundlī chamak se lutf liyā

tire nafas kī harārat huī nazar-andāz

tire libās kī bhīnī mahak se lutf liyā

tamām umr tire dar pe hī paḌe rahe haiñ

tamām umr tire hī namak se lutf liyā

vo intizār thā us kā ki dekhte hī use

zarā qarīb kiyā puure haq se lutf liyā

teri talash ki miThi kasak se lutf liya

yaqin toDne wale ne shak se lutf liya

so mand paDte hue husn ko kiya taslim

ki aaftab ki dhundli chamak se lutf liya

tere nafas ki hararat hui nazar-andaz

tere libas ki bhini mahak se lutf liya

tamam umr tere dar pe hi paDe rahe hain

tamam umr tere hi namak se lutf liya

wo intizar tha us ka ki dekhte hi use

zara qarib kiya pure haq se lutf liya