تری تلاش میں بھٹکا ہوں در بدر جاناں

تری تلاش میں بھٹکا ہوں در بدر جاناں

میں تجھ کو بھول نہ پاؤں گا عمر بھر جاناں

نہیں ہے تجھ سے کسی طور بھی مفر جاناں

ہے تو ہی قاتل دل تو ہی چارہ گر جاناں

مری تلاش مری آرزو مری چاہت

ترا جمال ترا قرب معتبر جاناں

یہ آنکھیں تیرے ہی جلوؤں کی ہیں امیں بے شک

یہ دل ہے تیری محبت کا مستقر جاناں

نظر میں تو ہے خیالوں میں تو ہے دل میں تو

میں کب ہوا تری جانب سے بے خبر جاناں

تری ہی یاد نے مہکائے میری روح میں زخم

ترے سبب سے ہے خوشبو کا یہ سفر جاناں

حسین یادوں کا اک سلسلہ تھا ٹوٹ گیا

فضا میں گونجا جب آوازۂ گجر جاناں