teri tegh abru ki Tuk samne kar dekhen to

tirī teġh abrū kī Tuk sāmne kar dekheñ to

bachche ḳhurshīd bhī rakh muñh pe sipar dekheñ to

mere ḳhurshīd-laqā diid kī Tuk ruḳhsat de

tere dīdār ko phir ek nazar dekheñ to

teġh tole hue kāñdhe pe jo aayā hai savār

o sajīle mire ghoḌe se utar dekheñ to

mar gayā jo use kahte haiñ huā aaj visāl

jī rachā ziist se is hijr meñ mar dekheñ to

bah chukā ḳhāna-e-dil aañkh tak aa pahuñchī sail

ro.e jā aur bhī ai dīda-e-tar dekheñ to

aa ke āñkhoñ kā shabistāñ mirā raushan kar de

vo din aatā hai kab ai nūr-e-basar dekheñ to

hai masal ġhussa utar jaatā hai paañv pe gire

qadmoñ par us ke bhalā sar ko bhī dhar dekheñ to

din bahut biit ga.e galiyāñ haiñ suunī tujh bin

jaanī ban-Than zarī aa jaao idhar dekheñ to

sab kaheñ guzrī pa guzrī na ku-e-dil-bar meñ

rahe jaañ 'azfarī' is se bhī guzar dekheñ to

teri tegh abru ki Tuk samne kar dekhen to

bachche KHurshid bhi rakh munh pe sipar dekhen to

mere KHurshid-laqa did ki Tuk ruKHsat de

tere didar ko phir ek nazar dekhen to

tegh tole hue kandhe pe jo aaya hai sawar

o sajile mere ghoDe se utar dekhen to

mar gaya jo use kahte hain hua aaj visal

ji racha zist se is hijr mein mar dekhen to

bah chuka KHana-e-dil aankh tak aa pahunchi sail

roe ja aur bhi ai dida-e-tar dekhen to

aa ke aankhon ka shabistan mera raushan kar de

wo din aata hai kab ai nur-e-basar dekhen to

hai masal ghussa utar jata hai panw pe gire

qadmon par us ke bhala sar ko bhi dhar dekhen to

din bahut bit gae galiyan hain suni tujh bin

jaani ban-Than zari aa jao idhar dekhen to

sab kahen guzri pa guzri na ku-e-dil-bar mein

rahe jaan 'azfari' is se bhi guzar dekhen to