teri yaadon mein hi gum-sum rahun ab ye nahin hoga

tirī yādoñ meñ hī gum-sum rahūñ ab ye nahīñ hogā

tire hī husn ke qisse likhūñ ab ye nahīñ hogā

anā ko rauñd kar ḳhuddārī ko pāmāl kar Dālūñ

kisī bhī husn par maiñ mar-miTūñ ab ye nahīñ hogā

mire bhī muntazir haiñ aish-o-ārā.ish zamāne meñ

tire hī hijr meñ martā rahūñ ab ye nahīñ hogā

vo jis ne chhoḌ kar mujh ko kisī kā haath thāmā thā

use apnā.ūñ aur us se milūñ ab ye nahīñ hogā

bharam jis ne mohabbat kā sar-e-bāzār toḌā thā

maiñ us ke vāste aa.heñ bharūñ ab ye nahīñ hogā

zarā bhī qadr jis ne kī nahīñ merī mohabbat kī

maiñ us kī yaad meñ dar-dar phirūñ ab ye nahīñ hogā

ai 'ashraf' jo mirī duniyā se kaafī duur jā baiThā

maiñ aise shaḳhs ko apnā kahūñ ab ye nahīñ hogā

teri yaadon mein hi gum-sum rahun ab ye nahin hoga

tere hi husn ke qisse likhun ab ye nahin hoga

ana ko raund kar KHuddari ko pamal kar Dalun

kisi bhi husn par main mar-miTun ab ye nahin hoga

mere bhi muntazir hain aish-o-araish zamane mein

tere hi hijr mein marta rahun ab ye nahin hoga

wo jis ne chhoD kar mujh ko kisi ka hath thama tha

use apnaun aur us se milun ab ye nahin hoga

bharam jis ne mohabbat ka sar-e-bazar toDa tha

main us ke waste aahen bharun ab ye nahin hoga

zara bhi qadr jis ne ki nahin meri mohabbat ki

main us ki yaad mein dar-dar phirun ab ye nahin hoga

ai 'ashraf' jo meri duniya se kafi dur ja baiTha

main aise shaKHs ko apna kahun ab ye nahin hoga