teri yaadon se gar ubar jaen

tirī yādoñ se gar ubar jaa.eñ

'ain mumkin hai phir ki mar jaa.eñ

yā ḳhudā rāstā na manzil hai

kuchh to batlā de ham kidhar jaa.eñ

toḌ kar bandisheñ rivājoñ kī

ab chalo had se ham guzar jaa.eñ

raat āvārgī kī saḌkoñ par

ho ga.ī sub.h ab to ghar jaa.eñ

'ishq vaalo do mashvara mujh ko

ġham ke maare hue kidhar jaa.eñ

jism phir biich meñ na aa.egā

ham agar ruuh meñ utar jaa.eñ

tishnagī hai magar suno jaanā

pyaas itnī nahīñ ki mar jaa.eñ

dard itnā hai merī āñkhoñ meñ

ā.ineñ TuuT kar bikhar jaa.eñ

teri yaadon se gar ubar jaen

'ain mumkin hai phir ki mar jaen

ya KHuda rasta na manzil hai

kuchh to batla de hum kidhar jaen

toD kar bandishen riwajon ki

ab chalo had se hum guzar jaen

raat aawargi ki saDkon par

ho gai subh ab to ghar jaen

'ishq walo do mashwara mujh ko

gham ke mare hue kidhar jaen

jism phir bich mein na aaega

hum agar ruh mein utar jaen

tishnagi hai magar suno jaana

pyas itni nahin ki mar jaen

dard itna hai meri aankhon mein

aainen TuT kar bikhar jaen