tishnagi achchhi nahin rakhna bahut

tishnagī achchhī nahīñ rakhnā bahut

rauzan-e-gul se use taknā bahut

dekh kar jis shaḳhs ko hañsnā bahut

sar ko is ke sāmne Dhaknā bahut

jis kī āñkhoñ meñ na jhāñkā jā.egā

is kī hī tahrīr ko paḌhnā bahut

mauja-e-reg-e-ravāñ hai zer-e-āb

apnī hastī dekh kar baḌhnā bahut

barf kī mānind jiinā umr bhar

ret kī sūrat magar tapnā bahut

umr bhar kī bandisheñ ḳhvāb-o-ḳhayāl

do qadam bhī saath hai chalnā bahut

ḳhastagī 'nāhīd' ban jaa.e na jurm

apnī hastī dekh kar baḌhnā bahut

tishnagi achchhi nahin rakhna bahut

rauzan-e-gul se use takna bahut

dekh kar jis shaKHs ko hansna bahut

sar ko is ke samne Dhakna bahut

jis ki aankhon mein na jhanka jaega

is ki hi tahrir ko paDhna bahut

mauja-e-reg-e-rawan hai zer-e-ab

apni hasti dekh kar baDhna bahut

barf ki manind jina umr bhar

ret ki surat magar tapna bahut

umr bhar ki bandishen KHwab-o-KHayal

do qadam bhi sath hai chalna bahut

KHastagi 'nahid' ban jae na jurm

apni hasti dekh kar baDhna bahut