tishnagi baqi rahe diwangi baqi rahe
tishnagī baaqī rahe dīvāngī baaqī rahe
ranj-o-ġham hai is liye tā-ki ḳhushī baaqī rahe
zaḳhm agar bhar jā.egā to bhuul jā.ūñgā use
ye duā do zaḳhm-e-dil kī tāzgī baaqī rahe
qurbateñ bhī dūriyoñ kā ban ga.iiñ aksar sabab
is liye behtar hai un kī be-ruḳhī baaqī rahe
Thahr jaanā maut hai aur chalte rahnā zindagī
zindagī baaqī rahe āvārgī baaqī rahe
raushnī hogī to kitne chehre hoñge be-naqāb
kah do ye 'afroz' se ki tīrgī baaqī rahe
tishnagi baqi rahe diwangi baqi rahe
ranj-o-gham hai is liye ta-ki KHushi baqi rahe
zaKHm agar bhar jaega to bhul jaunga use
ye dua do zaKHm-e-dil ki tazgi baqi rahe
qurbaten bhi duriyon ka ban gain aksar sabab
is liye behtar hai un ki be-ruKHi baqi rahe
Thahr jaana maut hai aur chalte rahna zindagi
zindagi baqi rahe aawargi baqi rahe
raushni hogi to kitne chehre honge be-naqab
kah do ye 'afroz' se ki tirgi baqi rahe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
