titliyan rangon ka mahshar hain kabhi socha na tha
titliyan rangon ka mahshar hain kabhi socha na tha
Arif Abdul Mateen
MORE BYArif Abdul Mateen
titliyāñ rañgoñ kā mahshar haiñ kabhī sochā na thā
un ko chhūne par khulā vo raaz jo khultā na thaa!
tū vo ā.īna hai jis ko dekh kar raushan huā
maiñ ne apne-āp ko samjhā kahāñ dekhā na thaa!
chāñd ban kar tū mire āñgan meñ utrā hai zarūr
nuur itnā bām-o-dar par aaj tak bikhrā na thaa!
kaun se aalam meñ maiñ ne aaj dekhā hai tujhe
tū dhanak ban kar mire dil meñ kabhī utrā na thaa!
saḳht-jānī se mirā dil bach gayā varna yahāñ
kaun sā patthar thā is shīshe pe jo barsā na thaa!
is jahān-e-rañg-o-bū ko maiñ ne samjhā thā sarāb
ik haqīqat thā ye 'ārif' aañkh kā dhokā na thā
titliyan rangon ka mahshar hain kabhi socha na tha
un ko chhune par khula wo raaz jo khulta na tha!
tu wo aaina hai jis ko dekh kar raushan hua
main ne apne-ap ko samjha kahan dekha na tha!
chand ban kar tu mere aangan mein utra hai zarur
nur itna baam-o-dar par aaj tak bikhra na tha!
kaun se aalam mein main ne aaj dekha hai tujhe
tu dhanak ban kar mere dil mein kabhi utra na tha!
saKHt-jaani se mera dil bach gaya warna yahan
kaun sa patthar tha is shishe pe jo barsa na tha!
is jahan-e-rang-o-bu ko main ne samjha tha sarab
ek haqiqat tha ye 'arif' aankh ka dhoka na tha
- Book : Beesveen Sadi Ki Behtareen Ishqiya Ghazlen (Pg. 152)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
