titliyon si KHubsurat zafrani laDkiyan

titliyoñ sī ḳhūbsūrat zāfrānī laḌkiyāñ

yaad aatī haiñ vo college kī purānī laḌkiyāñ

dil ye kahtā hai ki maiñ apnī hī āñkheñ chuum luuñ

maiñ ne dekhī haiñ zamīñ par āsmānī laḌkiyāñ

kyā batā.ūñ aap ko vo kyā zamāna thā ki jab

yaad rakhtī thiiñ mirī ġhazleñ zabānī laḌkiyāñ

haa.e kyā din the ki jab bhī pyaas lagtī thī hameñ

apnī bottle se pilā detī thiiñ paanī laḌkiyāñ

kuchh dinoñ ke vāste aa kar bayāz-e-ishq meñ

chhoḌ jaatī haiñ na.ī sī ik kahānī laḌkiyāñ

ghar se nikle the ham is darja sharāfat oḌh kar

sharm se hone lagī thiiñ paanī paanī laḌkiyāñ

jab vafā kā aur hayā kā zikr aatā hai kabhī

zehn meñ aatī haiñ bas hindostānī laḌkiyāñ

kyā sabab hai aaj tak kyoñ ho akele 'altamash'

mar ga.iiñ kyā ḳhūbsūrat ḳhāndānī laḌkiyāñ

titliyon si KHubsurat zafrani laDkiyan

yaad aati hain wo college ki purani laDkiyan

dil ye kahta hai ki main apni hi aankhen chum lun

main ne dekhi hain zamin par aasmani laDkiyan

kya bataun aap ko wo kya zamana tha ki jab

yaad rakhti thin meri ghazlen zabani laDkiyan

hae kya din the ki jab bhi pyas lagti thi hamein

apni bottle se pila deti thin pani laDkiyan

kuchh dinon ke waste aa kar bayaz-e-ishq mein

chhoD jati hain nai si ek kahani laDkiyan

ghar se nikle the hum is darja sharafat oDh kar

sharm se hone lagi thin pani pani laDkiyan

jab wafa ka aur haya ka zikr aata hai kabhi

zehn mein aati hain bas hindostani laDkiyan

kya sabab hai aaj tak kyon ho akele 'altamash'

mar gain kya KHubsurat KHandani laDkiyan