to kya ek hamare liye hi mohabbat naya tajraba hai

to kyā ik hamāre liye hī mohabbat nayā tajraba hai

jise pochhiye vo kahegā ki jī haañ baḌā tajraba hai

samajh meñ na aa.e to merī ḳhamoshī ko dil par na lenā

ki ye aql vāloñ kī dānist se māvarā tajraba hai

kaThin to bahut hai magar dil ke rishtoñ ko āzād chhoḌo

tavaqqo' na bāñdho ki ye ik aziyyat bharā tajraba hai

magar ham musir the ki ham ne kitābeñ bahut paḌh rakhī haiñ

baḌoñ ne kahā bhī ki dekho miyāñ tajraba tajraba hai

vo apnī jagah ḳhush-gumāñ thī ki daa.im hai pahlī mohabbat

maiñ apne ta.iiñ mutma.in thā ki ye dūsrā tajraba hai

kisī aur ke tajrabe se koī fā.eda kyā uThā.eñ

mohabbat meñ har tajraba hī alag tarah kā tajraba hai

to kya ek hamare liye hi mohabbat naya tajraba hai

jise pochhiye wo kahega ki ji han baDa tajraba hai

samajh mein na aae to meri KHamoshi ko dil par na lena

ki ye aql walon ki danist se mawara tajraba hai

kaThin to bahut hai magar dil ke rishton ko aazad chhoDo

tawaqqo' na bandho ki ye ek aziyyat bhara tajraba hai

magar hum musir the ki hum ne kitaben bahut paDh rakhi hain

baDon ne kaha bhi ki dekho miyan tajraba tajraba hai

wo apni jagah KHush-guman thi ki daim hai pahli mohabbat

main apne tain mutmain tha ki ye dusra tajraba hai

kisi aur ke tajrabe se koi faeda kya uThaen

mohabbat mein har tajraba hi alag tarah ka tajraba hai