to kya ye tai hai ki ab umr bhar nahin milna

to kyā ye tai hai ki ab 'umr bhar nahīñ milnā

to phir ye 'umr bhī kyoñ tum se gar nahīñ milnā

ye kaun chupke se tanhā.iyoñ meñ kahtā hai

tire baġhair sakūñ 'umr bhar nahīñ milnā

chalo zamāne kī ḳhātir ye jabr bhī sah leñ

ki ab mile to kabhī TuuT kar nahīñ milnā

rah-e-vafā ke musāfir ko kaun samjhā.e

ki is safar meñ koī ham-safar nahīñ milnā

judā to jab bhī hue dil ko yuuñ lagā jaise

ki ab ga.e to kabhī lauT kar nahīñ milnā

to kya ye tai hai ki ab 'umr bhar nahin milna

to phir ye 'umr bhi kyon tum se gar nahin milna

ye kaun chupke se tanhaiyon mein kahta hai

tere baghair sakun 'umr bhar nahin milna

chalo zamane ki KHatir ye jabr bhi sah len

ki ab mile to kabhi TuT kar nahin milna

rah-e-wafa ke musafir ko kaun samjhae

ki is safar mein koi ham-safar nahin milna

juda to jab bhi hue dil ko yun laga jaise

ki ab gae to kabhi lauT kar nahin milna