to sharafaton ka maqam hai to sadaqaton ka dawam hai

to sharāfatoñ kā maqām hai to sadāqatoñ kā davām hai

jahāñ farq-e-shāh-o-gadā nahīñ tire diin kā vo nizām hai

jinheñ tire naam kī chaah hai ye zamīn un kī gavāh hai

vahīñ karbalā kā vo dasht hai vahīñ qasr-e-kūfa-o-shām hai

kahīñ kañkaroñ ko zabān de kahīñ sach ko harf-e-bayān de

dar-e-had had-e-in.ām hai sar-e-qad qad-e-ilhām hai

tirā ruup ruuh ke rū-ba-rū tirī priit parān meñ mū-ba-mū

tū kamāl-e-husn-e-kalām hai tū misāl māh-e-tamām hai

tū ne ḳhauf-e-marg miTā diyā tū ne haq ko jiinā sikhā diyā

tū hasan husain kā peshvā tū alī-e-valī kā imaam hai

tirā buad buad-e-hayāt hai terā qurb qurb-e-najāt hai

tū rutoñ kā rañg-e-ravāñ-davāñ to sumoñ kā sañg-e-mudām hai

tale teġh ke vo ibādateñ tirī shaan kī vo shahādateñ

vo hikāyateñ vo rivāyateñ tire saare ghar pe salām hai

to shu.ūr-e-zīst kā tarjumāñ kabhī juzv-e-jāñ kabhī lā-makāñ

yahāñ arsh-e-farq pe jāvedāñ tirā nuur hai tirā naam hai

sabhī harf tere harīm haiñ sabhī aks tere aziim haiñ

sabhī saj-suḳhan tire vāste sabhī baat tujh pe tamām hai

to sharafaton ka maqam hai to sadaqaton ka dawam hai

jahan farq-e-shah-o-gada nahin tere din ka wo nizam hai

jinhen tere nam ki chah hai ye zamin un ki gawah hai

wahin karbala ka wo dasht hai wahin qasr-e-kufa-o-sham hai

kahin kankaron ko zaban de kahin sach ko harf-e-bayan de

dar-e-had had-e-inam hai sar-e-qad qad-e-ilham hai

tera rup ruh ke ru-ba-ru teri prit paran mein mu-ba-mu

tu kamal-e-husn-e-kalam hai tu misal mah-e-tamam hai

tu ne KHauf-e-marg miTa diya tu ne haq ko jina sikha diya

tu hasan husain ka peshwa tu ali-e-wali ka imam hai

tera buad buad-e-hayat hai tera qurb qurb-e-najat hai

tu ruton ka rang-e-rawan-dawan to sumon ka sang-e-mudam hai

tale tegh ke wo ibaadaten teri shan ki wo shahadaten

wo hikayaten wo riwayaten tere sare ghar pe salam hai

to shuur-e-zist ka tarjuman kabhi juzw-e-jaan kabhi la-makan

yahan arsh-e-farq pe jawedan tera nur hai tera nam hai

sabhi harf tere harim hain sabhi aks tere azim hain

sabhi saj-suKHan tere waste sabhi baat tujh pe tamam hai