توڑ دیتے قسم چلے آتے
تم نہ آتے تو ہم چلے آتے
اپنی پلکیں بھی ہم بچھا دیتے
تم اگر دو قدم چلے آتے
کچھ تو دیتے صلہ وفاؤں کا
کچھ تو رکھتے بھرم چلے آتے
زخم دل کے پرانے بھرنے لگے
لے کے تیر ستم چلے آتے
آبلے ہیں یہ نارسائی کے
درد ہوتا جو کم چلے آتے
تم نے خود ہی صدا نہ دی ورنہ
سر کے بل ہم صنم چلے آتے
کھول دیتا جو دل کا دروازہ
ساری دنیا کے غم چلے آتے
چشم ساقی بلا رہی ہے فہیمؔ
تم جو ہوتے بہم چلے آتے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
