toD kar joD diya karte ho kya karte ho

toḌ kar joḌ diyā karte ho kyā karte ho

dil pe yuuñ mashq-e-jafā karte ho kyā karte ho

rāz-e-dil faash kiyā karte ho kyā karte ho

naam se mere hayā karte ho kyā karte ho

roz iqrār-e-vafā karte ho kyā karte ho

zaḳhm-e-dil phir se harā karte ho kyā karte ho

tum se mansūb hai ik ahd-e-vafā kā iqrār

tum bhī tauhīn-e-vafā karte ho kyā karte ho

shīsha-e-dil ke baratne kā salīqa dekho

tum to bas toḌ diyā karte ho kyā karte ho

shauq ko pahle zarā had se sivā hone do

dard ko had se sivā karte ho kyā karte ho

ishva-e-jāñ-talabī morid-e-ilzām na ho

mujh se kahte raho kyā karte ho kyā karte ho

har ghaḌī us lab-e-shīrīñ kā tasavvur 'aḳhgar'

talḳh jiine kā mazā karte ho kyā karte ho

toD kar joD diya karte ho kya karte ho

dil pe yun mashq-e-jafa karte ho kya karte ho

raaz-e-dil fash kiya karte ho kya karte ho

nam se mere haya karte ho kya karte ho

roz iqrar-e-wafa karte ho kya karte ho

zaKHm-e-dil phir se hara karte ho kya karte ho

tum se mansub hai ek ahd-e-wafa ka iqrar

tum bhi tauhin-e-wafa karte ho kya karte ho

shisha-e-dil ke baratne ka saliqa dekho

tum to bas toD diya karte ho kya karte ho

shauq ko pahle zara had se siwa hone do

dard ko had se siwa karte ho kya karte ho

ishwa-e-jaan-talabi morid-e-ilzam na ho

mujh se kahte raho kya karte ho kya karte ho

har ghaDi us lab-e-shirin ka tasawwur 'aKHgar'

talKH jine ka maza karte ho kya karte ho