toDa jo maine zabt kaha hae al-firaq

toḌā jo maiñ ne zabt kahā haa.e al-firāq

phir har taraf se shor uThā haa.e al-firāq

shab le rahā thā āḳhirī sāñseñ marīz-e-hijr

bolā tabīb nabz dabā haa.e al-firāq

vahshat hī rah ga.ī mire kamre meñ tere baa'd

do pal ko bhī sukūñ na milā haa.e al-firāq

maazī ke kuchh nuqūsh ḳhayāloñ meñ aa ke ab

karte haiñ ik buland sadā haa.e al-firāq

charchā hai āj-kal ki kisī qabr par koī

kahte hue divāna girā haa.e al-firāq

paḌhte hue maiñ karbalā royā to aañkh se

furqat meñ aañsū kahne lagā haa.e al-firāq

ham aise log apnī ibādat meñ haiñ magan

'alvī' hameñ hai vird milā haa.e al-firāq

toDa jo main ne zabt kaha hae al-firaq

phir har taraf se shor uTha hae al-firaq

shab le raha tha aaKHiri sansen mariz-e-hijr

bola tabib nabz daba hae al-firaq

wahshat hi rah gai mere kamre mein tere ba'd

do pal ko bhi sukun na mila hae al-firaq

mazi ke kuchh nuqush KHayalon mein aa ke ab

karte hain ek buland sada hae al-firaq

charcha hai aaj-kal ki kisi qabr par koi

kahte hue diwana gira hae al-firaq

paDhte hue main karbala roya to aankh se

furqat mein aansu kahne laga hae al-firaq

hum aise log apni ibaadat mein hain magan

'alwi' hamein hai wird mila hae al-firaq