tujh chehra-e-gul-rang nin KHuban ko gul-guni diya

tujh chehra-e-gul-rañg niiñ ḳhūbāñ ko gul-gūnī diyā

tere lab yāqūt ne mujh dil kuuñ pur-ḳhūnī diyā

dīvāna ho ghar chhoḌ kar jaatā rahā sahrā taraf

ai rashk-e-lailā tū ne jab 'āshiq ko majnūnī diyā

mazmūn 'aalī bāñdhtā huuñ tere qad kī vasf meñ

mujh tab.a kuuñ sohbat ne terī jab se mauzūnī diyā

barjā hai gar maġhrūr huuñ apne dilāñ meñ shā.irāñ

nirḳh-e-suḳhan kuuñ tujh suḳhan-fahmī ne afzūnī diyā

farhat kī sūrat niiñ nazar aa.ī mujhe ai nūr-e-chashm

terī judā.ī meñ magar 'ālam ko mahzūnī diyā

dīdār kī hai ishtihā saaf ai tabīb-e-mehrbāñ

tujh shauq ne goyā mujhe ma.ajūn-zar.ūnī diyā

kahte haiñ saare barhaman mujh 'mubtalā' suuñ ai sanam

zunnār-e-gesū khol tuuñ har dil kuuñ baftūnī diyā

tujh chehra-e-gul-rang nin KHuban ko gul-guni diya

tere lab yaqut ne mujh dil kun pur-KHuni diya

diwana ho ghar chhoD kar jata raha sahra taraf

ai rashk-e-laila tu ne jab 'ashiq ko majnuni diya

mazmun 'ali bandhta hun tere qad ki wasf mein

mujh taba kun sohbat ne teri jab se mauzuni diya

barja hai gar maghrur hun apne dilan mein shairan

nirKH-e-suKHan kun tujh suKHan-fahmi ne afzuni diya

farhat ki surat nin nazar aai mujhe ai nur-e-chashm

teri judai mein magar 'alam ko mahzuni diya

didar ki hai ishtiha saf ai tabib-e-mehrban

tujh shauq ne goya mujhe majun-zaruni diya

kahte hain sare barhaman mujh 'mubtala' sun ai sanam

zunnar-e-gesu khol tun har dil kun baftuni diya