tujhko andaze nahin rah ki dushwari ke

tujh ko andāze nahīñ raah kī dushvārī ke

ham to qaa.il haiñ tirī qāfila-sālārī ke

ye tire saath meñ rone se khulā hai mujh par

haiñ tirī aañkh meñ sab ashk adākārī ke

bevafā.ī bhī agar kī to batāyā us ko

maiñ ne ādāb nibhā.e haiñ vafādārī ke

jashn maiñ ne bhī manāyā thā shajar kaTne kā

us ne vo fā.ede ginvā.e mujhe aarī ke

dasht kā dasht jin āñkhoñ pe luTā baiThā thā

ham bhī pīchhe the usī āhū-e-tātārī ke

ab mujhe yaad nahīñ pairahan-e-ishq-o-vafā

haañ magar naqsh tire vasl kī gul-kārī ke

tujh ko andaze nahin rah ki dushwari ke

hum to qail hain teri qafila-salari ke

ye tere sath mein rone se khula hai mujh par

hain teri aankh mein sab ashk adakari ke

bewafai bhi agar ki to bataya us ko

main ne aadab nibhae hain wafadari ke

jashn main ne bhi manaya tha shajar kaTne ka

us ne wo faede ginwae mujhe aari ke

dasht ka dasht jin aankhon pe luTa baiTha tha

hum bhi pichhe the usi aahu-e-tatari ke

ab mujhe yaad nahin pairahan-e-ishq-o-wafa

han magar naqsh tere wasl ki gul-kari ke