tujhko hai mujhse pyar kabhi etiraf kar

tujh ko hai mujh se pyaar kabhī e'tirāf kar

yā kaun hai pasand ye tasvīr saaf kar

mere qarīb aa ke gale lag jā merī jaan

kuchh aur tere man meñ hai to inhirāf kar

kyuuñ ik zarā sī baat pe nārāz mujh se hai

maiñ ne ḳhatā qubūl kī tū ab muaaf kar

tere ġhamoñ ko raat kā bistar banā luuñ maiñ

merī ḳhushī ko le ke inheñ tū lihāf kar

chalnā hai zindagī ke safar meñ to saath chal

chalnā hai kitnī duur talak inkishāf kar

ummīd har kisī se lagānā fuzūl hai

tū jis ko chāhtā hai usī kā tavāf kar

tujh ko hai mujh se pyar kabhi e'tiraf kar

ya kaun hai pasand ye taswir saf kar

mere qarib aa ke gale lag ja meri jaan

kuchh aur tere man mein hai to inhiraf kar

kyun ek zara si baat pe naraaz mujh se hai

main ne KHata qubul ki tu ab muaf kar

tere ghamon ko raat ka bistar bana lun main

meri KHushi ko le ke inhen tu lihaf kar

chalna hai zindagi ke safar mein to sath chal

chalna hai kitni dur talak inkishaf kar

ummid har kisi se lagana fuzul hai

tu jis ko chahta hai usi ka tawaf kar