tujhko lagta hai to han Thik hai man-mani hai

tujh ko lagtā hai to haañ Thiik hai man-mānī hai

mujhe ab baat samajhnī hai na samjhānī hai

varna vo ḳhvāb ki tā-umr na so.e koī

niiñd aa jaatī hai is baat kī āsānī hai

sat.h meñ is kī sivā ret ke ab kuchh bhī nahīñ

ya.anī rone ke liye aañkh meñ bas paanī hai

tajraba us ko bhī kuchh ḳhaas nahīñ duniyā kā

ḳhaak ham ne bhī zamāne kī nahīñ chhānī hai

mere chehre pe yahī dekh ke bikhrī muskān

maiñ pareshān huuñ aur us ko pareshānī hai

ishq meñ itnī suhūlat bhī nahīñ pāoge

jaan par ban paḌī to jaan chalī jaanī hai

ham kahāñ ruuh kī bātoñ meñ ulajh jaate haiñ

darmiyāñ apne ta.alluq bhī to jismānī hai

tujh ko lagta hai to han Thik hai man-mani hai

mujhe ab baat samajhni hai na samjhani hai

warna wo KHwab ki ta-umr na soe koi

nind aa jati hai is baat ki aasani hai

sath mein is ki siwa ret ke ab kuchh bhi nahin

yani rone ke liye aankh mein bas pani hai

tajraba us ko bhi kuchh KHas nahin duniya ka

KHak hum ne bhi zamane ki nahin chhani hai

mere chehre pe yahi dekh ke bikhri muskan

main pareshan hun aur us ko pareshani hai

ishq mein itni suhulat bhi nahin paoge

jaan par ban paDi to jaan chali jaani hai

hum kahan ruh ki baaton mein ulajh jate hain

darmiyan apne talluq bhi to jismani hai