tujhko mushkil nahin mushkil meri aasan kar de

tujh ko mushkil nahīñ mushkil mirī āsāñ kar de

ḳhaak ke zarre ko ham-dosh-e-sulaimāñ kar de

mere a.amāl nahīñ lā.eq-e-baḳhshish hargiz

tū jo chāhe to mire dard kā darmāñ kar de

haif ab zillat-o-ḳhvārī ke sivā kuchh bhī nahīñ

yā-ilāhī hameñ pahlā sā musalmāñ kar de

rabb-e-hājāt hameñ nisbat-e-kāmil ho atā

ham ko ā.īn-e-sadāqat kā nigahbāñ kar de

tere mahbūb kā aa.iin hai ain-e-fitrat

is meñ tarmīm ke tālib ko pashemāñ kar de

dīn-e-haq kī maiñ hifāzat karūñ dil se har dam

mere ḳhāliq mire īmāñ ko farozāñ kar de

kashtī-e-jāñ ko kināre se lagāne ke liye

ham meñ har fard ke īmāñ ko farozāñ kar de

tujh ko mushkil nahin mushkil meri aasan kar de

KHak ke zarre ko ham-dosh-e-sulaiman kar de

mere aamal nahin laeq-e-baKHshish hargiz

tu jo chahe to mere dard ka darman kar de

haif ab zillat-o-KHwari ke siwa kuchh bhi nahin

ya-ilahi hamein pahla sa musalman kar de

rabb-e-hajat hamein nisbat-e-kaamil ho ata

hum ko aain-e-sadaqat ka nigahban kar de

tere mahbub ka aain hai ain-e-fitrat

is mein tarmim ke talib ko pasheman kar de

din-e-haq ki main hifazat karun dil se har dam

mere KHaliq mere iman ko farozan kar de

kashti-e-jaan ko kinare se lagane ke liye

hum mein har fard ke iman ko farozan kar de