tujhko pa kar bhi gharq-e-yas mila

tujh ko pā kar bhī ġharq-e-yās milā

dil hī kam-baḳht nā-sipās milā

husn-e-ālam meñ aur kyā hotā

husn-e-ālam to tere paas milā

uf re jaldī adam se aane kī

jis ko dekhā vo be-libās milā

hijr meñ zikr-e-vasl-e-yār to chheḌ

talḳhī-e-ġham meñ kuchh miThās milā

aa dikhā.ūñ tujhe bhī jalva-e-dost

merī āñkhoñ meñ apnī pyaas milā

jis pe takiya huā muqaddar kā

vo sitāra hī be-asās milā

baat kā izn-e-ām thā 'ejāz'

par kise harf-e-iltimās milā

tujh ko pa kar bhi gharq-e-yas mila

dil hi kam-baKHt na-sipas mila

husn-e-alam mein aur kya hota

husn-e-alam to tere pas mila

uf re jaldi adam se aane ki

jis ko dekha wo be-libas mila

hijr mein zikr-e-wasl-e-yar to chheD

talKHi-e-gham mein kuchh miThas mila

aa dikhaun tujhe bhi jalwa-e-dost

meri aankhon mein apni pyas mila

jis pe takiya hua muqaddar ka

wo sitara hi be-asas mila

baat ka izn-e-am tha 'ejaz'

par kise harf-e-iltimas mila