tujhko pane ki ye hasrat mujhe le Dubegi

tujh ko paane kī ye hasrat mujhe le Dūbegī

lag rahā hai ki mohabbat mujhe le Dūbegī

hālat-e-ishq meñ huuñ aur ye hālat hai ki ab

ek lamhe kī bhī fursat mujhe le Dūbegī

ab maiñ samjhā huuñ ki ye dard-e-mohabbat kyā hai

ye tire pyaar kī shiddat mujhe le Dūbegī

merī betābi-e-dil chain na lene degī

terī ḳhāmosh tabī.at mujhe le Dūbegī

terī āñkhoñ ke samundar meñ ḳhayāloñ kī tarah

Duub jaane kī ye aadat mujhe le Dūbegī

Dūbtī nabz kahīñ kā nahīñ chhoḌegī mujhe

dard le Dūbegā vahshat mujhe le Dūbegī

terī āñkhoñ kā ye jaadū kahīñ le jā.egā

ye tirī saada sī sūrat mujhe le Dūbegī

tere ashkoñ se kaleja mirā kaT jā.egā

merī hassās tabī.at mujhe le Dūbegī

har qadam par maiñ tirā bojh uThā.ūñ kaise

zindagī terī zarūrat mujhe le Dūbegī

tujh ko pane ki ye hasrat mujhe le Dubegi

lag raha hai ki mohabbat mujhe le Dubegi

haalat-e-ishq mein hun aur ye haalat hai ki ab

ek lamhe ki bhi fursat mujhe le Dubegi

ab main samjha hun ki ye dard-e-mohabbat kya hai

ye tere pyar ki shiddat mujhe le Dubegi

meri betabi-e-dil chain na lene degi

teri KHamosh tabiat mujhe le Dubegi

teri aankhon ke samundar mein KHayalon ki tarah

Dub jaane ki ye aadat mujhe le Dubegi

Dubti nabz kahin ka nahin chhoDegi mujhe

dard le Dubega wahshat mujhe le Dubegi

teri aankhon ka ye jadu kahin le jaega

ye teri sada si surat mujhe le Dubegi

tere ashkon se kaleja mera kaT jaega

meri hassas tabiat mujhe le Dubegi

har qadam par main tera bojh uThaun kaise

zindagi teri zarurat mujhe le Dubegi