tujhko sochon mein basa kar shaeri karta hun main

tujh ko sochoñ meñ basā kar shā.erī kartā huuñ maiñ

zehn-o-dil kī vādiyoñ meñ raushnī kartā huuñ maiñ

maiñ tirā 'rāñjhā' tū merī hiir hai jān-e-ġhazal

chhoḌ kar har kaam terī chākarī kartā huuñ maiñ

apne dil ke har varaq par naam likh likh kar tirā

pesh tujh ko dhaḌkanoñ kī Diary kartā huuñ maiñ

Duub kar ḳhvāboñ meñ tere kho ke terī yaad meñ

roz-o-shab apnī ḳhudī ko be-ḳhudī kartā huuñ maiñ

is bulandī par mujhe laa.ī hai terī āshiqī

band āñkhoñ se tirā dīdār bhī kartā huuñ maiñ

hādsoñ meñ jhoñk detā huuñ maiñ apne aap ko

is tarah ḳhud se kabhī ḳhud dil-lagī kartā huuñ maiñ

tujh ko sochon mein basa kar shaeri karta hun main

zehn-o-dil ki wadiyon mein raushni karta hun main

main tera 'ranjha' tu meri hir hai jaan-e-ghazal

chhoD kar har kaam teri chaakari karta hun main

apne dil ke har waraq par nam likh likh kar tera

pesh tujh ko dhaDkanon ki Diary karta hun main

Dub kar KHwabon mein tere kho ke teri yaad mein

roz-o-shab apni KHudi ko be-KHudi karta hun main

is bulandi par mujhe lai hai teri aashiqi

band aankhon se tera didar bhi karta hun main

hadson mein jhonk deta hun main apne aap ko

is tarah KHud se kabhi KHud dil-lagi karta hun main