tujhko sochun main su-ba-su ho kar

tujh ko sochūñ maiñ sū-ba-sū ho kar

maiñ to bas rah ga.ī huuñ tū ho kar

ye tire lams kā karishma hai

phail jaatī huuñ rañg-o-bū ho kar

tū na ho to maiñ bāñjh miTTī huuñ

raakh ho jā.ūñ be-numū ho kar

hai tirī qaid meñ hī āzādī

Dhāñp le mujh ko chaar sū ho kar

aa.ina huuñ tire vajūd kā maiñ

aa kabhī dekh rū-ba-rū ho kar

'nāz' ke lab pe har ghaḌī raqsāñ

tū hī rahtā hai guftugū ho kar

tujh ko sochun main su-ba-su ho kar

main to bas rah gai hun tu ho kar

ye tere lams ka karishma hai

phail jati hun rang-o-bu ho kar

tu na ho to main banjh miTTi hun

rakh ho jaun be-numu ho kar

hai teri qaid mein hi aazadi

Dhanp le mujh ko chaar su ho kar

aaina hun tere wajud ka main

aa kabhi dekh ru-ba-ru ho kar

'naz' ke lab pe har ghaDi raqsan

tu hi rahta hai guftugu ho kar