tujh mein us gul se rang-o-bu kam hai

tujh meñ us gul se rang-o-bū kam hai

vo ziyāda hai is meñ tū kam hai

ho koī kyoñ muġhāñ kā minnat-kash

apnā piine ko kyā lahū kam hai

dil se insān ke ye hotī kab

havas-o-hirs-o-ārzū kam hai

ahl-e-ġhairat ko ai falak kyā kuchh

marg hai minnat-e-adū kam hai

dekh kar us bahār-e-ḳhūbī ko

ho gayā gul kā rang-o-bū kam hai

baat baaqī hai aur kaun sī 'aish'

kyā huī us se guftugū kam hai

tujh mein us gul se rang-o-bu kam hai

wo ziyaada hai is mein tu kam hai

ho koi kyon mughan ka minnat-kash

apna pine ko kya lahu kam hai

dil se insan ke ye hoti kab

hawas-o-hirs-o-arzu kam hai

ahl-e-ghairat ko ai falak kya kuchh

marg hai minnat-e-adu kam hai

dekh kar us bahaar-e-KHubi ko

ho gaya gul ka rang-o-bu kam hai

baat baqi hai aur kaun si 'aish'

kya hui us se guftugu kam hai