تجھ پہ ہم اک کتاب لکھ بیٹھے
تجھ پہ ہم اک کتاب لکھ بیٹھے
اس کو کار ثواب لکھ بیٹھے
دوستوں کے سلوک کو بھی ہم
آج کوئی عذاب لکھ بیٹھے
اس کو لکھنا تھا کم نظر لیکن
ہائے عالی جناب لکھ بیٹھے
ہم کو لکھنی تھی اک غزل لیکن
اپنے غم کا حساب لکھ بیٹھے
تیری قامت کی بات جب آئی
حسن کا اک نصاب لکھ بیٹھے
گرچہ خط کا ہے انتظار ابھی
پھر بھی ہم ہیں جواب لکھ بیٹھے
خط میں القاب اس کو اے خوشترؔ
تازہ رنگیں گلاب لکھ بیٹھے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.