tujh qaid se dil ho kar aazad bahut roya

tujh qaid se dil ho kar āzād bahut royā

lazzat ko asīrī kī kar yaad bahut royā

tasvīr mirī tujh bin ''mānī'' ne jo kheñchī thī

andāz samajh us kā ''bahzād'' bahut royā

naale ne tire bulbul nam chashm na kī gul kī

fariyād mirī sun kar sayyād bahut royā

jueñ paḌī bahtī haiñ jā dekh gulistāñ meñ

tujh qad se ḳhajil ho kar shamshād bahut royā

ā.īna jo paanī meñ hai ġharq ye baa.is hai

tujh saḳht-dilī aage faulād bahut royā

yaañ tak mire mash.had se hai tishna-labī paidā

is samt jo ho guzrā jallād bahut royā

'saudā' se ye maiñ pūchhā dil maiñ bhī kisī ko duuñ

vo kar ke bayāñ apnī rūdād bahut royā

tujh qaid se dil ho kar aazad bahut roya

lazzat ko asiri ki kar yaad bahut roya

taswir meri tujh bin mani ne jo khenchi thi

andaz samajh us ka bahzad bahut roya

nale ne tere bulbul nam chashm na ki gul ki

fariyaad meri sun kar sayyaad bahut roya

juen paDi bahti hain ja dekh gulistan mein

tujh qad se KHajil ho kar shamshad bahut roya

aaina jo pani mein hai gharq ye bais hai

tujh saKHt-dili aage faulad bahut roya

yan tak mere mashhad se hai tishna-labi paida

is samt jo ho guzra jallad bahut roya

'sauda' se ye main puchha dil main bhi kisi ko dun

wo kar ke bayan apni rudad bahut roya