تجھ سے اے حسن پیار کون کرے

تجھ سے اے حسن پیار کون کرے

اپنا دل سوگوار کون کرے

جس پہ مغرب ہے گامزن اے دوست

وہ روش اختیار کون کرے

دل لگانے کی کس کو فرصت ہے

جان تم پر نثار کون کرے

سچ کے بازار کو سجانا ہے

کام یہ شاندار کون کرے

ماسوا میرے عشق کا دریا

اس زمانے میں پار کون کرے

کوئی چہرہ شناس بھی تو نہیں

درد کو آشکار کون کرے

اپنی دنیا میں مست ہیں سب ہی

قوم کو ہوشیار کون کرے

تم تبسم بکھیر دو جاناں

صبح کا انتظار کون کرے

دل امنگوں سے جب یہ خالی ہے

موج گل کا حصار کون کرے

خود کو اے شادؔ اس زمانے میں

اس قدر خاکسار کون کرے