tujhse ham-dam mujhko ulfat hai bahut

tujh se ham-dam mujh ko ulfat hai bahut

terī ulfat vaj.h-e-rāhat hai bahut

tum abhī to aa.e ho mere qarīb

kis liye jaane kī ujlat hai bahut

sūrat-e-parvāna miT jā.ūñgā maiñ

mujh meñ miT jaane kī himmat hai bahut

tere ruḳh se maañg laa.e haiñ nikhār

is liye phūloñ meñ rangat hai bahut

bastiyoñ meñ aa ga.e haiñ bheḌiye

shahr meñ har samt dahshat hai bahut

'dāġh' baaqī hai abhī kyā barhamī

zulm kī mujh par jo shiddat hai bahut

tujh se ham-dam mujh ko ulfat hai bahut

teri ulfat wajh-e-rahat hai bahut

tum abhi to aae ho mere qarib

kis liye jaane ki ujlat hai bahut

surat-e-parwana miT jaunga main

mujh mein miT jaane ki himmat hai bahut

tere ruKH se mang lae hain nikhaar

is liye phulon mein rangat hai bahut

bastiyon mein aa gae hain bheDiye

shahr mein har samt dahshat hai bahut

'dagh' baqi hai abhi kya barhami

zulm ki mujh par jo shiddat hai bahut