tujhse rishta na koi KHas shanasai hai

tujh se rishta na koī ḳhaas shanāsā.ī hai

phir bhī ik umr se dil terā tamannā.ī hai

ab ke ummīd-e-vafā bāñdh rahā huuñ jis se

log kahte haiñ ki vo shaḳhs bhī harjā.ī hai

dil kī har baat se inkār bhī nā-mumkin hai

maan lene meñ bhī andesha-e-rusvā.ī hai

ḳhud hī vo dard banā ḳhud hī davā ban baiThā

ḳhuub us shaḳhs kā andāz-e-masīhā.ī hai

ab ke yuuñ TuuT ke bikhrā huuñ kisī kī ḳhātir

mujh ko ḳhud apne bikharne kī sadā aa.ī hai

māntā huuñ tirī āñkheñ bhī Dubo detī haiñ

lekin apne bhī ḳhayālāt meñ gahrā.ī hai

jā-ba-jā ḳhaak pe TuuTe hue par bikhre haiñ

ḳhuub bulbul ne chahakne kī sazā paa.ī hai

sun ke merī vo javāñ-marg kā bole 'shāhid'

kyā vo shā.ir jo mire naam kā saudā.ī hai

tujh se rishta na koi KHas shanasai hai

phir bhi ek umr se dil tera tamannai hai

ab ke ummid-e-wafa bandh raha hun jis se

log kahte hain ki wo shaKHs bhi harjai hai

dil ki har baat se inkar bhi na-mumkin hai

man lene mein bhi andesha-e-ruswai hai

KHud hi wo dard bana KHud hi dawa ban baiTha

KHub us shaKHs ka andaz-e-masihai hai

ab ke yun TuT ke bikhra hun kisi ki KHatir

mujh ko KHud apne bikharne ki sada aai hai

manta hun teri aankhen bhi Dubo deti hain

lekin apne bhi KHayalat mein gahrai hai

ja-ba-ja KHak pe TuTe hue par bikhre hain

KHub bulbul ne chahakne ki saza pai hai

sun ke meri wo jawan-marg ka bole 'shahid'

kya wo shair jo mere nam ka saudai hai