tujhse wabasta shairi ke baghair
tujh se vābasta shā'irī ke baġhair
kuchh nahīñ maiñ tirī kamī ke baġhair
hai baḌā kaam bā-vafā rahnā
bevafā.ī kī tāzgī ke baġhair
tum to pahchānñā hī bhuul ga.e
lams ko mere raushnī ke baġhair
shukriya aap kī mohabbat kā
maiñ bahut ḳhush huuñ is ḳhushī ke baġhair
kyā batā.ūñ mujhe vo kaisā lagā
jānī-pahchānī be-ruḳhī ke baġhair
vaise mushkil to merī 'aam sī hai
hal nahīñ hogī ḳhud-kushī ke baġhair
maiñ tujhe kaise jaan saktā thā
tere dushman se dostī ke baġhair
tujh se wabasta sha'iri ke baghair
kuchh nahin main teri kami ke baghair
hai baDa kaam ba-wafa rahna
bewafai ki tazgi ke baghair
tum to pahchanna hi bhul gae
lams ko mere raushni ke baghair
shukriya aap ki mohabbat ka
main bahut KHush hun is KHushi ke baghair
kya bataun mujhe wo kaisa laga
jaani-pahchani be-ruKHi ke baghair
waise mushkil to meri 'am si hai
hal nahin hogi KHud-kushi ke baghair
main tujhe kaise jaan sakta tha
tere dushman se dosti ke baghair
- Book : Khidki To Main Ne Khol Hi Li (Pg. 111)
- Author : Shariq Kaifi
- Publication : Rekhta Publications (2022)
- Edition : 3rd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
